Udhëheqësit izraelitë izolohen në bunker gjatë stërvitjes COVID-19

Çfarë do të ndodhte nëse një variant ri i COVID-19 do të mposhte dhe vaksinat? Izraeli është duke u përgatitur për çdo lloj skenari. Autoritetet në këtë shtet testuan një stërvitjeje që simulonte një shpërthim të një varianti të ri vdekjeprurës të COVID-19, që do të ishte rezistent ndaj vaksinave.

Duke e cilësuar si lufta e ardhshme, kryeministri izraelit Naftali Bennett dhe ndihmësit e lartë u mblodhën në një bunker të komandës bërthamore  për të monitoruar stimulimin. Izraeli do të informojë liderët e huaj javën e ardhshme mbi gjetjet e këtij eksperimenti.

“Mësimi i parë që po nxjerrim është se ne duhet të përgatitemi për luftën e ardhshme dhe jo luftën e mëparshme. Në këtë stërvitje po përballemi me një variant të ri (të trilluar), e quajmë ‘Omega’. Vaksinat nuk janë efektive në këtë skenar.  Ky variant i veçantë godet edhe  fëmijët. Dhe mësimi kryesor është të lëvizësh shpejt, të lëvizësh fort. Një “luftë pandemie” nuk është sekrete. Përkundrazi, ne duam të ndajmë informacionin. COVID i godet të gjithë, ky variant ‘Omega’ nuk bën dallim midis hebrenjve, një Arab apo çfarëdo tjetër”, u shpreh Naftali Bennett.

Si pjesë e simulimit, Bennett tha se kishte urdhëruar fëmijët izraelitë që të mbylleshin në shtëpitë e tyre ndërsa qeveria mbylli kufijtë dhe bisedoi me Autoritetin Palestinez, zyrtarët e Gazës dhe Jordaninë.

Izraeli e ndërtoi bunkerin, i njohur si Qendra Kombëtare e Menaxhimit, më shumë se një dekadë më parë për shkak të shqetësimit për programin bërthamor të Iranit dhe shkëmbimin e raketave me Libanin dhe Gazën. Bennett tha se ai dhe ndihmësit e tij mund të menaxhojnë  Izraelin  nga bunkeri në çdo krizë të madhe.