Të hënën nis vaksinimi i fëmijëve në Vjenë të Austrisë

Fëmijët në Vjenë të Austrisë do të mund të marrin një dozë të një vaksine Pfizer/BioNTech nga e hëna, thanë autoritetet vendase.

Një njësi e dedikuar për ta do të jetë e hapur në Qendrën Austriake shtatë ditë në javë nga ora 07:00 deri në 10:00 dhe nga ora 15:00. deri në orën 19:45.

Mjekët vlerësojnë se rreth 200 fëmijë do të mund të marrin një vaksinë për COVID-19 në ditë.

Vaksina Pfizer/BioNTech ende nuk është miratuar nga Agjencia Evropiane e Barnave për fëmijët e moshës 5 deri në 11 vjeç. Ajo është autorizuar në Shtetet e Bashkuara për këtë grupmoshë.

Gjatë javëve të fundit, ka pasur rritje të shpejtë të rasteve të COVID-19 në Austri ku rreth 65% e popullsisë totale është vaksinuar kundër virusit.

Infeksionet kanë arritur nivelet më të larta, me më shumë se 10.000 raste të reja të raportuara në ditë.

Qeveria kohët e fundit solli një masë leje shëndetësore për të kufizuar aksesin në ngjarje dhe shërbime të caktuara vetëm për njerëzit e vaksinuar ose të testuar së fundmi.

LEXONI GJITHASHTU:

• 6 vjet nga sulmet terroriste, Franca kujton 130 viktimat e atentateve që tronditën Parisin
• Bullgaria në zgjedhje për herë të tretë në 7 muaj, s’ka garanci për formimin e qeverisë