Izolohen qytetet bregdetare në ishullin La Palma pasi llava rrëshqiti në oqean

Autoritetet në ishullin spanjoll La Palma urdhëruan banorët e tre qyteteve bregdetare të qëndrojnë brenda në shtëpi të hënën pasi një rrymë e re llave rrëshqiti në oqean, duke krijuar re të dendura të gazrave toksikë.

Një pjesë tjetër nga vullkani Cumbre Vieja, i cili ka shpërthyer prej dy muajsh, arriti në oqean rreth mesditës.

Pamjet me dron treguan re të bardha që dilnin nga uji ndërsa llava flakë e kuqe rrëshqiste poshtë një shkëmbi në Atlantik.

Banorëve në Tazacorte, San Borondon dhe pjesë të El Cardon iu tha të qëndronin brenda me dyer dhe dritare të mbyllura pasi gazërat toksik ishin kudo në ajër.

Ushtarët e Njësisë së Emergjencave Ushtarake u vendosën për të matur cilësinë e ajrit në zonë.

Aeroporti ishte gjithashtu i mbyllur dhe ka të ngjarë të qëndrojë kështu deri në 48 orë për shkak të kushteve të pafavorshme të motit.

LEXONI GJITHASHTU:

• Lumenj llave në La Palma të Spanjës, re të zeza mbi ishull
• Ndryshon situata në La Palma, hapet sërish aeroporti i ishullit
• Re të zeza mbi La Palma, shpërthimet e llavës vijojnë për të gjashtën javë