Refuzuan hapur vaksinën, mjekët rusë ftojnë fytyrat publike të vizitojnë spitalet COVID

Një grup mjekësh rusë kanë ftuar njerëz të famshëm dhe politikanë që kanë deklaruar se janë kundër vaksinave, të vizitojnë spitalet COVID.

Njëmbëdhjetë mjekë nënshkruan letrën e hapur të mërkurën, duke u bërë thirrje figurave publike që të shohin efektet e virusit në spitalet ku trajtohen pacientët e infektuar.

Letra iu drejtua zërave më të zhurmshëm kundër vaksinës që kanë përhapur dyshime në lidhje me efektivitetin e saj në mediat sociale.

Rusia ka regjistruar më shumë se 1000 vdekje nga COVID-19 çdo ditë për javë të tëra, si dhe ka regjistruar infeksione ditore të larta.

Në total, task forca e koronavirusit ka raportuar afro 9.4 milionë infeksione të konfirmuara dhe më shumë se 267 mijë vdekje, deri tani numri më i lartë i vdekjeve në Evropë. Disa ekspertë besojnë se shifra e vërtetë është edhe më e lartë.

Sipas mjekëve, në rritjen e infektimeve ndikon niveli i ulët i vaksinimit. Ata zgjodhën të dërgojnë një letër në formë kërkese për ata persona që mendojnë se kanë ndikuar në opinionin publik për të mos u vaksinuar.

Vetëm 37.2% e të rriturve rusë janë vaksinuar plotësisht.

LEXONI GJITHASHTU:

• Trazirat kundër masave kufizuese anti-COVID, liderët evropianë bëjnë thirrje për qetësi
• Sllovakia konsideron mbylljen e plotë si masë kundër COVID-19
• OBSH: Këtë dimër në Evropë mund të vdesin 700 mijë persona nga COVID-19