Kim Jong Un i sëmurë, dyshime mbi shëndetin e liderit koreano-verior pas operacionit në zemër

Qeveria në Korenë e Jugut ka deklaruar të martën se nuk janë konstatuar aktivitete të dyshimta në Korenë e Veriut, pas zërave të pakonfirmuar se lideri Kim Jong Un ka probleme shëndetësore pas një ndërhyrjeje kirurgjike në zemër.

Selia presidenciale në Seul deklaroi se nuk kishte informacion mbi lajmet për gjendjen shëndetësore të Kim. Lideri i vendit të izoluar aziatik, rreth 35 vjeç, mungoi në festimet e mbajtura më 15 prill për përkujtimin e gjyshit të tij, Kim Il Sung, i konsideruar si themeluesi i vendit.

Në shfaqjen e tij të fundit publike, më 11 prill, ai drejtoi një takim të byrosë politike ku u diskutua për masat kundër coronavirusit dhe zgjedhja e motrës së tij si anëtare zëvendësuese e byrosë.