Ndërron jetë 71-vjeçari nga Durrësi i prekur me COVID-19, shkon në 27 numri i viktimave në Shqipëri

Një 71-vjeçar nga Durrësi ka ndërruar jetë për shkak të COVID-19. Lajmi konfirmohet nga burime të Ministrisë së Shëndetësisë, sipas të cilave 71-vjeçari prej 2 javësh ishte i intubuar.

Ai ndërroi jetë në spitalin COVID-2, ‘Shefqet’ Ndroqi mesnatën e kaluar.

Burime nga Ministria e Shëndetësisë bëjnë me dije se i moshuari vuante nga hipertensioni.

Numri i përgjithshëm i viktimave nga coronavirusi në Shqipëri shkon kështu në 27. Ndërkohë që duhet theksuar se prej disa ditësh nuk ishin shënuar fatalitete për shkak të COVID-19 në vendin tonë.

Dje u shënuan 25 raste të prekura me COVID-19, të gjitha në Krujë e Kurbin, por asnjë rast i diagnostikuar. Sipas MSH, të gjitha rastet ishin kontakte të personave të infektuar më herët.