Mbi 11 mijë persona braktisin shtëpitë nga përmbytjet në Malajzi

Shirat e rrëmbyer në Malajzi kanë shkaktuar përmbytje të cilat kanë nxjerrë nga shtëpitë më shumë se 11 mijë njerëz, kanë bllokuar rrugët dhe kanë ndaluar transportin detar, deklaruan autoritetet të shtunën.

Më shumë se 66 mijë persona nga policia, ushtria dhe departamenti i zjarrit janë mobilizuar në mbarë vendin për të ndihmuar në shpëtimin e njerëzve të bllokuar.

Përmbytjet në Malajzi janë të zakonshme midis tetorit dhe marsit, veçanërisht në bregun lindor të vendit.

Autoritetet në Port Klang, porti më i madh i vendit, thanë se operacionet e transportit detar u ndërprenë rëndë nga përmbytjet. Dhjetëra autostrada dhe rrugë u mbyllën gjithashtu.

Videot e postuara në mediat sociale treguan lumenj të tejmbushur, rrëshqitje dheu dhe makina të zhytura në rrugë të braktisura.

Departamenti Meteorologjik paralajmëroi se shiu i dendur në Selangor, Kuala Lumpur dhe disa shtete do të vazhdojë deri të dielën.

LEXONI GJITHASHTU:

• Filipine, mbi 90 persona të vdekur nga tajfuni ‘Rai’
• ‘’Delta’’ zbarkon në Luiziana, uragani i dhjetë brenda vitit që godet SHBA-në
• Tetë të vdekur nga uragani “Grace” në Meksikë, paralajmërime për stuhi në SHBA