SHBA, agjencia shtetërore jep përgjigje nëse COVID-19 është bërë apo jo nga njeriu

Zyra e Drejtorit të Inteligjencës Kombëtare tha në një deklaratë për shtyp se kishte hetuar nëse virusi kishte dalë nga një laborator në Kinë, edhe pse shkencëtarët e kanë kundërshtuar, duke thënë se gjasat janë që të jetë transmetuar nga kafshët te njeriu, nëpërmjet gjuetisë apo nga tregjet e kafshëve të egra.

Përgjigjja është që nuk kanë gjetur asnjë provë që të vërtetojë që virusi të jetë bërë nga dora e njeriut.

 Nju Jork Tajms raportoi të enjten se zyra e presidentit Trump kishte nxitur agjencitë e informativit që të gjenin prova nëse virusi kishte dalë nga një laborator në Vuhan, teksa presidenti vazhdonte të fajësonte Kinën për pandeminë. Kjo ishte vazhduar më pas nga Sekretari Amerikan i Shtetit, Mike Pompeo, dhe Matthew Pottinger, një këshilltar i Trump për Sigurinë Kombëtare.

Disa analistë politikë kanë shfaqur shqetësim se këmbëngulja e madhe nga zyrtarët mund të shtrembërojë rezultatet e hetimeve që të përdoren si armë politike.