Rusia mund të pushtojë Ukrainën me 70% të forcave ushtarake

Më rreth 70% të fuqisë luftarake, Rusia beson se mund të pushtojë Ukrainën dhe po dërgon më shumë grupe ushtarake në kufirin me fqinjin e saj, thanë të shtunën dy zyrtarë amerikanë.

Në dy javët e fundit, numri i grupeve ushtarake në rajonin kufitar është rritur në 83 nga 60 që ishin të premten dhe 14 të tjerë janë në tranzit, thanë zyrtarët për Reuters në kushte anonimiteti.

Ndërsa Rusia grumbullon më shumë se 100.000 trupa pranë kufirit, ajo ka thënë se nuk po planifikon një pushtim, por mund të ndërmarrë veprime të papërcaktuara ushtarake nëse kërkesat e saj të sigurisë nuk plotësohen.

Ato përfshijnë një premtim se NATO nuk do ta pranojë kurrë Ukrainën si pjesë të aleancës, një kërkesë që Uashingtoni dhe NATO e kanë thënë se është e papranueshme.

Uashingtoni beson se Rusia mund të zgjedhë opsione të tjera përveç një pushtimi në shkallë të plotë.

Ukraina mund të pësojë 5.000 deri në 25.000 viktima , ndërsa viktimat e trupave ruse mund të jenë midis 3.000 dhe 10.000, sipas vlerësimeve të SHBA, tha zyrtari.

Një pushtim i plotë do të nxiste ikjen e miliona refugjatëve dhe personave të zhvendosur drejt Evropës.