Bien infektimet me COVID-19 në Shqipëri

Nga 1.766 testime në 24 orë, 251 qytetarë kanë rezultuar të infektuar me COVID-19 në Shqipëri.

Po ta krahasojmë me vetëm dy ditë më parë, kur të shtunën u regjistruan 793 infektime dhe të dielën 659, ka një ulje të ndjeshme të rasteve.

Ministria e Shëndetësisë njoftoi se 7 qytetarë humbën jetën duke e çuar numrin e viktimave që prej fillimit të pandemisë në 3.387. Në 24 orë janë shëruar 1.246 qytetarë.

Aktualisht në vendin tonë janë mbi 12 mijë qytetarë me COVID. 126 janë shtruar në spital nga ku 18 prej tyre janë në gjendje më të rënduar.

Ministria e Shëndetësisë ka bërë thirrje për vaksinim për çdo qytetar mbi 16 vjeç. Për fëmijët që kanë probleme shëndetësore dhe rekomandim nga mjeku, vaksina mund të bëhet që 12 vjeç.

Për ata persona që kanë kaluar 6 muaj nga injektimi me dozën e dytë, ministria bën thirrje për dozën e tretë.

“Vendosja e maskës është e detyrueshme në çdo ambient të mbyllur. Shmangni grumbullimet dhe ajrosni ambientet ku qëndroni, për të kufizuar përhapjen e COVID-19,” – shkruhej në njoftim.

Shpërndarja gjeografike e rasteve aktive sipas qarqeve:

Tiranë – 4.887

Fier – 1.596

Shkodër – 1.347

Vlorë – 856

Elbasan – 832

Gjirokastër – 765

Berat – 668

Lezhë – 501

Korçë – 459

Durrës – 326

Kukës – 265

Dibër – 104

LEXONI GJITHASHTU:

• Mijëra qytetarë kundërshtojnë masat anti-COVID, protesta në disa vende