Mblidhet Komisioni për Reformën Zgjedhore. Afati i fundit për kodin e ri, 30 qershori

Ka nisur mbledhja e Komisionit të Posaçëm të Reformës Zgjedhore që do të zhvillohet online përmes dy bashkëkryetarëve Damian Gjiknuri dhe Rudina Hajdari.

Sipas rendit të ditës, është parashikuar informimi mbi ecurinë e procesit të Reformës zgjedhore nga momenti i krijimit të Këshillit Politik me pjesëmarrjen e opozitës jashtë parlamentare dhe deri në fillim të muajit mars kur puna u ndërpre për shkak të situatës me COVID-19.

Pas mbledhjes dy bashkëkryetarët, Rudina Hajdari dhe Damian Gjiknuri do të mbajnë një deklaratë për mediat mbi diskutimet e bëra.

Afati i komisionit u shty deri më 30 qershor për shkak të pauzës që krijoi pandemia, kohë në të cilën duhet konkluduar me një kod të ri zgjedhor

Anëtari i Këshillit Politik nga Partia Demokratike, Oerd Bylykbashi në një lidhje live me Ilva Now theksoi se është koha që shqiptarët të kenë më në  fund një Kod të ri Zgjedhor, i cili t’u garantojë atyre votën dhe vullnetin kur zgjedhin njerëzit që do t’i qeverisin.

“Ne kemi mundësinë që të plotësojmë kuadrin e ndryshimeve me konsensus, të gjejmë kompromis edhe për çështjet zgjedhore dhe t’u japim shqiptarëve një Kod Zgjedhor që i garanton ata”, pohoi ai.

 Ai listoi disa propozime konkrete, që Partia Demokratike ka bërë për realizimin e Reformës Zgjedhore, shumë të debatuar nga klasa politike.

“Ekspertët e ODIHR nuk kanë ardhur për të bërë jurinë, ata me marrëveshjen me të cilën kanë ardhur nuk marrin përsipër për të avantazhuar një palë, por detyra e tyre është për të ndihmuar këtë proces. Ata ndihmojnë, por vlerësimin e bëjnë së bashku me Komisionin e Venecias. Ajo që ne propozojmë është shumë e qartë: Personat që janë kyç në administrim nuk do të jenë partiakë, me një procedurë rekrutimi që propozohet nga ekspertët e reformës zgjedhore, por duke ruajtur edhe komponentin politik, që janë sytë dhe veshët e të dyja krahëve, por vlerësimin e bëjnë aktorët e certifikuar dhe të trajnuar”, tha ai.

Lexoni gjithashtu:

Çfarë ka ndodhur deri më sot në tryezën e reformës zgjedhore

Oerd Bylykbashi zbulon ‘lojën e pisët’ të PS-së për të mbajtur në detyrë Dvoranin

Rinis reforma zgjedhore, Gjiknuri për Euronews Albania: PD nuk mund ta mbajë peng pafundësisht procesin, në qershor me kod të ri

Gjiknuri kërkon mbështetjen e ambasadores Kim për të nxitur rinisjen e dialogut për reformën zgjedhore

Gjata: Opozita ka bërë 95 për qind të propozimeve për reformën zgjedhore, PS asgjë