Johnson njofton heqjen e kufizimeve anti-COVID në Angli

Një ditë jo e zakonshme për të hequr të gjitha kufizimet anti-COVID në Britaninë e Madhe.

Teksa të gjithë shqetësohen për shëndetin e Mbretëreshës Elizabetë, e cila në moshën 95 vjeçare u prek nga COVID, qeveria britanike vendosi se edhe ata masa që janë ende në fuqi, tashmë nuk janë më se të nevojshme.

Por a është ky vendimi i duhur, apo i nxituar?

“Disa nga këshillat që kryeministri ka marrë nga këshilltarët e tij të shëndetit publik janë që mos t’i heqë të gjitha kufizimet pasi në modelet që kemi parashikuar tregohet se ky vendim do të rrisë numrin e rasteve”, thotë Martin McKe, profesor i shëndetit publik evropian.

“Është e qartë se numri i rasteve me Omicron është në rënie, por kemi qenë në këtë situate edhe më parë. Mbretëria e Bashkuar po përjeton një kurbë të qartë rënieje të infektimeve, por ne nuk mund të dimë se si do të jetë varianti i radhës, dhe ne mendojmë se do të ketë variant tjetër të këtij virusi”, shprehet ai.

Më vonë gjatë ditës së hënë, kryeministri britanik Boris Johnson do të prezantojë strategjinë e tij, për “Bashkëjetesën me COVID”, pavarësisht paralajmërimeve dhe kritikave që e konsiderojnë si të nxituar heqjen totale të kufizimeve si dhe izolimin e detyrueshëm për pacientët e infektuar me coronavirus.

LEXONI GJITHASHTU: 

• Britania drejt heqjes së izolimit për personat me COVID