Zgjedhjet në Maqedoninë e Veriut, presidenti mbledh partitë politike

Presidenti i Maqedonisë së Veriut, Stevo Pendarovski, mbledh sot partitë politike për të vendosur për datën e zgjedhjeve të përgjithshme, të cilat u shtynë për shkak të pandemisë së COVID-19.

Kryetari i LSDM, Zoran Zaev, ka propozuar që keto zgjedhje të mbahen më 14 qershor.

Nga ana tjetër, VMRO–DPMNE propozojnë si datë për zhvillimin e zgjedhjeve muajin korrik.

Partitë shqiptare në Maqedoninë e Veriut kanë qëndrime të ndara.

BDI-ja kërkon mbajtjen e tyre sa më parë që të jetë e mundshme, ndërsa Aleanca për Shqiptarët, në opozitë, kërkon që zgjedhjet të mbahen pasi të hapen kufijtë në mënyrë që e drejta e votës ti sigurohet edhe diasporës.

Megjithatë, të gjithë liderët politike kanë thënë se do të respektojnë çdo mendim që do të japin ekspertët e mjekësisë, për mbajtjen ose jo të zgjedhjeve në Maqedoninë e Veriut.

Zgjedhjet ishin përcaktuar të mbaheshin më 12 prill, por u shtynë për shkak të pandemisë.

Aktualisht vendi drejtohet nga një qeveri teknike në të cilën merr pjesë edhe VMRO DPMNE-ja opozitare.