Sot takimi i radhës mes zyrtarëve rusë dhe ukrainas për luftën

Vijojnë luftimet në Ukrainë. Gjatë fundjavës forcat ruse janë zgjeruar në perëndim të Ukrainës pas bombarimeve në bazat ushtarake në qytetit Lviv.

Nga luftimet kanë humbur jetën 35 persona dhe mbi 130 të tjerë kanë ngelur të plagosur.

Shtabi i Forcave të Armatosura të Ukrainës njoftoi se në 24 orët e fundit ka shkatërruar katër avionë, tre helikopterë dhe disa avionë pa pilot që i përkisnin forcave ruse. Pritet që sot të nisin bisedimet mes palës ukrainase dhe asaj ruse në lidhje me luftën.

Ndërkohë Rusia i ka kërkuar Kinës mbështetje ekonomike dhe ndihmë ushtarake në Ukrainë, duke përfshirë edhe dronë.

Ky veprim ka sjellë edhe reagimin e SHBA-së. Këshilltari i Sigurisë Kombëtare të Shtëpisë së Bardhë, Jake Sullivan tha se zhvillimi është një “shqetësim” dhe SHBA-ja ia ka bërë të qartë Pekinit se do të ketë pasoja nëse mbështet Rusinë.

Sullivan do të takohet të hënën në Romë me kryediplomatin kinez Yang Jiechi për të diskutuar dhe për sigurinë rajonale dhe globale.

LEXONI GJITHASHTU:

• Përditësime LIVE 14 mars: Takime diplomatike Rusi-Ukrainë dhe SHBA-Kinë