Plazhet në Itali, bizneset në vështirësi, po ideojnë mënyra të reja për të tërhequr pushuesit

Italia ka qenë një nga vendet më të goditura nga pandemia e COVID-19 dhe si rrjedhojë u detyrua të imponojë masa të rrepta të bllokimit në fillim të marsit. 

Ekonomia italiane varet shumë nga turizmi, i cili përbën 13% të GDP-së dhe punëson rreth 13% të fuqisë punëtore në Itali.

Arkitektura e plazheve pritet të ndryshojë. Për të përmirësuar masat mbrojtëse, një kompani ka ofruar të ndërtojë kasolle ‘pleksiglasi’ për t’u ardhur në ndihmë pronarëve të plazheve për të krijuar hapësira të sigurta.

Claudio Ambrogetti ka 15 vjet që menaxhon një plazh në Taormina, një nga destinacionet më të njohura të Sicilisë. Por ai si kjo situatë nuk ka parë më parë.

Cronavirusi i ri jo vetëm që nuk e ka ndaluar atë të hapë çadrat e tij në kohë për sezonin e ri, por dhe të ridizenjojë plazhin ‘Il Delfino’. 

“Kjo ka qenë një periudhë e vështirë për qytetin tonë, por institucionet e plazhit janë të gatshme të rihapen sa më shpejt që të kemi udhëzimet”, thotë ai.  

Deri më tani Jugu i Italisë ka shpëtuar nga dëmtimet masive siç ka ndodhur në veri ku shpërtheu epidemia e parë. Në zonën Isole Eolie, rreth Sicilisë numri i rasteve të të prekurve ka qenë shumë i vogël dhe autoritetet atje kanë bërë thirrje për krijimin e një zone të sigurt për të ndihmuar në kthimin e turistëve.