Rritje infektimesh në Kinë pavarësisht masave të marra

Që prej marsit të këtij viti, Kina po përballet me “betejën” më të ashpër kundër valës së koronavirusit, me Shangain që ka edhe “barrën” më të madhe.

Në 24 orët e fundit, Kina regjistroi më shumë se 20,000 raste të reja me Covid-19, por edhe pse shifra është më e ulët se në vendet e tjera, përsëri mbetet dramatike.

Autoritetet kanë marrë masa të ashpra për të reduktuar në maksimum rastet e reja, duke vendosur qytetet në karantinë, shtimin e kontrollit në kufi si dhe kryerjen e sa më shumë testeve.

Sipas “National Hurricane Center”, 78% e popullsisë prej 1.4 miliardë banorësh është vaksinuar. Megjithatë, situata mbetet kritike, pasi po qarkullojnë dhe dy variante të Omicron, BA.1.1 dhe BA.2.

Autoritetet kineze po punojnë për të arritur “zero-Covid”, pra zhdukjen e virusit, por mbetet për t’u parë nëse masat do të jenë efektive.

LEXONI GJITHASHTU:

• Situata e COVID-19 drejt përmirësimit, thotë mjekja e Infektivit
• Mjekët sugjerojnë të merren masa kundër nënvarianteve të Omikronit