Plehrat e 5 bashkive në inceneratorin e Tiranës, 3,2 mln euro për transportin

Të gjitha bashkitë e qarqeve Tiranë dhe Durrës do të depozitojnë mbetjet në inceneratorit të Tiranës.

Euronews Albania ka mësuar se përveç Bashkive Tiranë dhe Durrës, tani edhe Kamza, Vora, Kruja, Kavaja dhe Shijaku do të dërgojnë plehrat pranë inceneratorit të Tiranës.

Bashkia Kavajë ka lidhur një kontratë me kompaninë koncesionare Integrated Energy BV që në korrik të vitit të shkuar.

Për të bërë të mundur transportin e mbetjeve drejt Tiranës qeveria u ka ndarë bashkive  një fond prej 3,2 milionë euro.

Durrësi merr nga buxheti i vitit 2022, 1,8 milionë euro për transportin: Kamza 290 mijë euro, Kavaja 440 mijë Kavaja, 315 mijë Kruja, 165 mijë Shijaku dhe 185 mijë euro i shkojnë Vorës.

Kavaja ka kontratë me kompaninë koncesionare që nga 13 korrik i vitit të shkuar. Deri tani ajo i ka paguar koncesionarit të inceneratorit të Tiranës 200 mijë euro për depozitimin e mbetjeve.

Tirana dhe Durrësi janë dy qarqet që prodhojnë sasinë më të madhe të mbetjeve në vend. Sipas parashikimit të Ministrisë së Mjedisit në vitin 2022 këto dy qarqet pritet të mbledhin 405 mijë tonë mbetje, ose 53% të plehrave të Shqipërisë.

Aktualisht në Tiranë, mbetjet depozitohen dhe nuk incenerohen.

LEXONI GJITHASHTU:

• GJKKO lë në fuqi kërkesën e SPAK për të akuzuarit për inceneratorin e Fierit
• Gazetari Zhabina: Tre inceneratorët duhet të hetoheshin bashkë