191 prokurorë dhe gjyqtarë u shkarkuan nga vetingu në 4 vite

513 vendime ka dhënë shkalla e parë e vetingut për gjyqtarë dhe prokurorë në 4 vite.

199 prokurorë dhe gjyqtarë janë konfirmuar në detyrë, ndërsa 191 janë shkarkuar nga detyra.

Por të tjerë gjyqtarë e prokurorë janë larguar vetë nga sistemi.

78 gjyqtarë dhe prokurorë kanë dhënë dorëheqjen pasi ndaj tyre kishte filluar vetingu.

8 magjistratë zgjodhën të mos i nënshtroheshin procesit dhe dhanë dorëheqjen.

35 gjyqtarë dhe prokurorëve u ka përfunduar procesi për shkak se kanë arritur moshën e pensionit.

Në këtë listë është edhe rasti i gjyqtares së Kushtetueses Marsida Xhaferrllari për të cilën KPK nuk mori dot vendim.

Ndërsa në 4 vite komisioni ka marrë dy vendimet për pezullim nga detyra të magjistratëve.

Disa javë më parë, mazhoranca bashkë me votat e opozitës, vendosi të zgjasë mandatin e Komisionit të Pavarur të Kualifikimit me dy vite.

Në veting pritet të kalojnë edhe 300 subjekte të tjera për t’i dhënë fund këtij procesi.

LEXONI GJITHASHTU:

• KPA prish vendimin e shkallës së parë të vetingut, konfirmon në detyrë Islamajn
• Kryeprokurorja e Tiranës në veting me avokat nga Strasburgu