Rusia mban zi për humbjen e anijes ‘Moska’

Rusia ka mbajtur një ceremoni për ‘të vajtuar’ humbjen e anijes së saj luftarake ‘Moska’, kryqëzori raketor i cili u mbyt të enjten pasi municionet shpërthyen në bord.

Ceremonia u zhvillua në Sevastopol, baza e flotës në Krimenë e aneksuar nga Rusia, raporton BBC.

Ukraina thotë se goditi Moskën me dy raketa, të cilat i vunë flakën anijes.

Ministria ruse e Mbrojtjes raportoi zjarrin pa specifikuar shkakun e tij dhe tha se zjarri kishte shpërthyer municionet në bord.

Në ceremoni, kapiteni Sergei Gorbachev tha se ‘Moska’ “ishte një simbol për të gjithë, simbol i fuqisë sonë, shpresës sonë, ringjalljes së flotës në vitet ’90”.

Anija e ndërtuar nga sovjetikët luante një rol të madh në koordinimin e operacioneve të flotës jashtë Ukrainës.

Rusia nuk ka dhënë shifra të viktimave nga fundosja e anijes. Ministria e Mbrojtjes tha se ekuipazhi u shpëtua nga anije të tjera të flotës në zonë.

LEXONI GJITHASHTU:

• Fundosja e ‘Moskës’, humbja më e madh e Rusisë që nga Lufta II Botërore
• Fundoset anija luftarake ruse ‘Moskva’