Ministri gjerman: Dërgimi i armëve në Ukrainë lejohet sipas ligjit ndërkombëtar

Ministri gjerman i Drejtësisë Marco Buschmann tha se dërgimi i armëve në Ukrainë është i lejueshëm sipas ligjit ndërkombëtar dhe se kjo nuk e bën Gjermaninë pjesëmarrëse në luftë kundër Rusisë.

Sipas tij, Ukraina po zhvillon një luftë legjitime për mbrojtjen e vendit kundër pushtimit nga Rusia.

“Pra, nëse ata ushtrojnë të drejtën e tyre ligjore për vetëmbrojtje, mbështetja ndaj tyre duke i furnizuar me furnizime me armë, nuk do të thotë se Gjermania do të futet në luftë”, u shpreh Buschmann për gazetën Welt am Sonntag.

Ai shtoi se ky nuk ishte vetëm mendimi i tij personal, por edhe qëndrimi i qeverisë federale.

Buschmann vuri në dukje gjithashtu se Gjermania është bërë një nga vendet në botë që ishin të parat që hetuan dhe grumbulluan në mënyrë sistematike prova të krimeve të luftës në Ukrainë.

LEXONI GJITHASHTU

• Rusët protestojnë në Gjermani: Ndihemi të diskriminuar
• Gjermania drejt ndalimit të importeve të gazit rus