Hapen 9 korridore evakuimi në Ukrainë, përfshirë Mariupolin

Zëvendës kryeministrja e Ukrainës, Iryna Vereshchuk tha se është arritur një marrëveshje për 9 korridore humanitare, ku përfshihet edhe qyteti i Mariupolit.

Vereshchuk tha se pesë nga nëntë korridoret e evakuimit ishin nga rajoni Luhansk i Ukrainës në lindje të vendit, për të cilin zyrtarët lokalë kanë thënë se janë kryer bombardime nga forcat ruse, shkruan agjencia e lajmeve Reuters.

Më herët gjatë ditës së sotme, autoritetet ukrainase thanë se bombardimet e kryera nga ushtria ruse gjatë natës, kanë dëmtuar tubacionet e gazit në qytetet Severodonetsk dhe Lysychansk.

Ndërsa, pas lajmit për fundosjen e anijes “Moska”, Rusia premtoi të premten të shtojë sulmet e saj kundër Kievit në përgjigje të atyre që i quan sulme “terroriste” ukrainase.

LEXONI GJITHASHTU

• Rusia planifikon të kufizojë hyrjen në Mariupol nga e hëna, thonë zyrtarët
• Sulmet ruse kanë dëmtuar tubacionet e gazit në Luhansk, thotë zyrtari ukrainas