“Shën Mëria e përlotur”, artisti italian e pikturon si të pastrehë, së bashku me Papën

Në qendrën e qytetit të Milanos janë shfaqur disa piktura të reja murale, ku figura të besimit katolik janë paraqitur si të pastrehë.

Një nga pikturat tregon Shën Marinë e përlotur me Jezusin në krah, duke kërkuar lëmoshë, ndërsa pranë saj është një gotë plastike me disa kartëmonedha dhe me shkrimin “bamirësi”.

Papa shfaqet i shtrirë mbi një shtroje prej kartoni, me çantën e tij të zezë si jastëk dhe pranë tij është gota me të njëjtin mbishkrim.

Punimet i përkasin artistit dhe aktivistit italian Alexandro Palombo, i cili ka nisur një fushatë të re sensibilizimi ndaj varfërisë dhe solidaritetit, në një kohë kur Italia po lehtëson masat kufizuese pas COVID-19. Veçanërisht rajoni i Lombardisë është goditur rëndë nga pandemia.