Efektiviteti i mbylljes së kufijve, Qendra evropiane për kontrollin e sëmundjeve: Ndikoi pak në parandalimin e virusit

Qendra Evropiane për Parandalimin dhe Kontrollin e Sëmundjeve thekson se, masa të tilla si testimi i udhëtarëve para nisjes ose kontrollimi i temperaturës gjatë mbërritjes janë gjithashtu kryesisht joefektive, megjithëse konfirmoi se udhëtimi lehtëson përhapjen e virusit. Në raport vlerësohet se mbylljet e kufijve kishin efekte shumë negative në ekonomi dhe ishin efektive vetëm në vonimin e  epidemisë në fillimin e saj dhe në rajone të izoluara.

“Provat e disponueshme nuk mbështesin rekomandimin e mbylljes së kufijve, të cilat do të shkaktojnë efekte dytësore të konsiderueshme dhe përçarje shoqërore dhe ekonomike në BE”, nënvizohet në raport.

Komisioni Evropian, rekomandoi në prill një lehtësim të kufizimeve të udhëtimit midis zonave me infeksion të ulët, duke inkurajuar disa qeveri të rihapin kufijtë në mënyrë selektive me vendet që konsiderojnë më të sigurta. Por raporti thekson që të dhënat epidemiologjike mund të mos jenë të besueshme pasi vendet evropiane nuk përdorin një qasje të përbashkët për testimin dhe raportimin e rasteve, duke e bërë të pamundur krahasimin e përhapjes së epidemisë.

Me tej nënvizohet se detyrimi i njerëzve ti nënshtrohen një testi përpara se të udhëtoni mund të ketë  vlerë të kufizuar pasi udhëtari mund të bëhet infektues pak para nisjes ose gjatë udhëtimit për shkak të periudhës së dy javëve të inkubacionit të virusit. Sa i përket temperaturave të shqyrtimit gjatë mbërritjes, udhëtarët mund të jenë tashmë infektuar por pa simptoma. Pyetësorët e mbushur nga udhëtarët për kushtet e tyre shëndetësore mund të ofrojnë informacion shtesë të dobishëm, por paraqesin rreziqe për mbrojtjen e të dhënave, , duke përsëritur që certifikatat e imunitetit të lëshuara pas testeve të antitrupave nuk ishin të besueshme.