Vrasja e afro-amerikanit gjatë arrestimit në SHBA, policia shpërndan turmën me gaz lotsjellës

Policia e Mineapolisit, në Minesota të SHBA-ve, ka përdorur gaz lotsjellës për të shpërndarë turmën e zemëruar të protestuesve.

Protestat vijnë pasi një afro-amerikan vdiq gjatë arrestimit të policisë, teksa një polic i vendosi gjurin në gjoks dhe i peshoi me gjithë trupin.

Videoja e arrestimit u bë publike dhe katër policët e përfshirë në arrestim janë shkuar nga detyra.

Ky nuk është rasti i parë që policia në SHBA arrestohet për ushtrim dhune me pasoja vdekjeprurëse, sidomos ndaj personave afro-amerikanë.

Pak vite më parë u formua dhe shoqata “Black Lives Matter”, (jetët e afroamerikanëve vlejnë njësoj), të cilët organizuan gjithashtu protesta të shumta pas rasteve të ngjashme.

Protesta e sotme, përpara rajonit të policisë që u përfshi në arrestim, nisi fillimisht në mënyrë paqësore por përshkallëzoi në dhunë.