Komisioni Europian propozon heqjen e tarifave për importet nga Ukraina

Komisioni Evropian propozoi këtë të mërkurë një sërë masash të përkohshme liberalizuese të tregtisë, që do t’i mundësonin Ukrainës të ruajë pozicionin e saj tregtar me pjesën tjetër të botës dhe të thellojë më tej marrëdhëniet e saj tregtare me BE-në.

Propozimi i Komisionit do të heqë të gjitha tarifat, detyrimet e importit për produktet industriale, frutat dhe perimet, si dhe heqjen e kuotave për produktet bujqësore e të përpunuara bujqësore për një vit, shkruan CNN.

“Këto masa të përkohshme dhe të jashtëzakonshme do të kontribuojnë në mbështetjen dhe nxitjen e flukseve ekzistuese tregtare nga Ukraina në Bashkimin Europian” dhe do të shtojnë fleksibilitet e siguri për prodhuesit ukrainas”, deklaroi Komisioni në propozimin e tij.

Sipas KE-së, pushtimi rus ka pasur një ndikim të thellë negativ në aftësinë e Ukrainës për të bërë tregti me pjesën tjetër të botës.

Për të zbutur ndikimin ekonomik të agresionit, Komisioni shpjegoi se ishte e përshtatshme dhe e nevojshme për të përshpejtuar marrëdhëniet më të ngushta ekonomike midis BE-së e Ukrainës.

LEXONI GJITHASHTU

• GDP e Ukrainës mund të bjerë deri në 50%, thotë ministri ukrainas