Guterres takon Zelenskin: Të mundësojmë korridoret humanitare

Presidenti ukrainas Volodimir Zelenski priti të enjten në Kiev sekretarin e përgjithshëm të OKB-së, Antonio Guterres, me të cilin diskutoi mbi pushtimin rus.

Takimi u mbajt pasi numri një i Kombeve të Bashkuara vizitoi qytezat e shkatërruara përreth kryeqytetit dhe pasi pa nga afër disa nga tmerret e luftës.

Guterres dënoi masakrat e kryera si ato në Bucha, ku provat e vrasjeve në masë të civilëve u gjetën pas largimit të rusëve.

“Ukraina është gati për negociata të menjëhershme për evakuimin e qytetarëve nga Azovstali, si dhe për përmbushjen e çdo marrëveshjeje të arritur. Ne shpresojmë gjithashtu se do të ketë një qasje humane ndaj këtyre njerëzve nga pala ruse. Ne presim që kjo pjesë e misionit të sekretarit të përgjithshëm të bëhet realitet dhe jemi gati ta mbështesim”, tha shefi i OKB.

Guterres shtoi se është jetike që Gjykata Ndërkombëtare Penale dhe mekanizma të tjerë të OKB-së të punojnë së bashku për të mbajtur përgjegjës autorët e masakrave.

LEXONI GJITHASHTU:

• Kryebashkiaku i Kievit thirrje Perëndimit për më shumë armë
• Sekretari i OKB: Lufta do të zgjasë derisa Rusia të vendosë për ndalimin e saj