Përfundon mbledhja e Gjykatës Kushtetuese në Kosovë

Ka përfunduar para pak minutash mbledhja e anëtarëve të Gjykatës Kushtetuese në Kosovë. Mësohet se, vendimi mbi dekretin e Presidentit, Hashim Thaçi për formimin e qeverisë së re do të publikohet gjatë ditës së nesërme.

Tetë anëtarët e kësaj gjykate do të duhet të shprehen nëse formimi i qeverisës së re nga Lidhja Demokratike e Kosovës është konform Kushtetutës apo jo.

Në zgjedhjet e tetorit të vitit të kaluar, parti e parë doli Lëvizja Vetëvendosje dhe drejtuesit e saj pretendojnë se e drejta për formimin e qeverisë i takon asaj dhe pas mocionit të mosbesimit, vendi duhet të shkojë në zgjedhje të parakohshme.

Ende nuk dihet se cili do të jetë vendimi i Gjykatës Kushtetuese, por alternativat e mundshme janë që përveç hapjes së rrugës për formimin e një qeverie të re dhe nga ana tjetër shfuqizimit të dekretit të Presidentit, mund të vendoset që t’i ri jepet sërish e drejta për formimin e qeverisë VV-së.

Lexoni gjithashtu:

Protestë në sheshet e Prishtinës, Kurti përshëndet pjesëmarrësit