Arrestohet polici që plagosi 24-vjeçarin në Vlorë

Punonjësi i repartit Delta Forcë në Vlorë Lisen Myrtaj është arrestuar këtë të shtunë pasi dyshohet se është i përfshirë në plagosjen e ndodhur ditën e djeshme në lagjen “10 Korriku”.

Ndaj tij është vendosur masa e arrestit në flagrancë dhe akuzohet për kryerjen e veprës penale “Vrasje e mbetur në tentativë.

Myrtaj ka gjuajtur me armë në drejtim të24-vjeçarit Juxhino Todi, djalit të kryeplakut të Kaninës Astrit Aliraj, i cili dyshohet se ka ndryshuar mbiemrin.

Grupi hetimor ka sekuestruar një armë zjarri e llojit pistoletë, 7 gëzhoja 9 mm, të cilat dyshohen se i përkasin armës së Myrtajt, 3 fishekë, model 54 dhe mjetin tip Benz Mercedez në pronësi të Astrit Alirajt.

Sipas policisë, ngjarja ka ndodhur pas një konflikti për motive të dobëta. Juxhino Todi është larguar nga vendngjarja dhe nuk është gjetur ende nga policia.

LEXONI GJITHASHTU

• Shkëmbim zjarri në Vlorë, polici qëllon 24-vjeçarin