Yuri Kim përshëndet takimin e Këshillit Politik: Po vihet në plan të parë e ardhmja e Shqipërisë

Ambasadorja e Shteteve të Bashkuara të Amerikës, Yuri Kim, ka përshëndetur mbledhjen e sotme të Këshillit Politik për reformën zgjedhore.

Me një shënim në “Twitter”, diplomatja amerikane thekson se palët po arrijnë progres të admirueshëm. Ajo beson fort se anëtarët në këtë këshill do të marrin vendime të mençura, të cilat janë në interes të Shqipërisë.

“Është mirë të dëgjosh se Këshilli Politik për Reformën Zgjedhore po arrin më shumë progres. Jam takuar me të gjithë anëtarët e tij, Rudina Hajdarin, Damian Gjiknurin, Oerd Bylykbashin, Petrit Vasilin dhe besoj se do të bëjnë zgjidhje të mençura. Faleminderit që po vini në plan të parë të ardhmen e Shqipërisë”, shkruan ambasadorja Yuri Kim.

Gazetari i Euronews Albania, Ervin Koçi raportoi më parë se palët kanë gjetur konsensus për hetimin e krimeve zgjedhore, çështje kjo e cila është lakuar shumë nga opozita e bashkuar. Palët politike kanë rëndë dakord që kjo çështje do t’i kalojë për hetim SPAK dhe jo prokurorive të zakonshme. 

Good to hear that the Political Council on Electoral Reform is making more progress. I have met all the members – @rudina_hajdari, @DGjiknuri, Oerd Bylykbashi, Petrit Vasili – and I believe they will make wise decisions. Thank you for putting ??’s future first!

— Ambassador Yuri Kim (@USAmbAlbania) May 28, 2020