Kemi shkatërruar më shumë se 1000 tanke ruse, thotë Zelenski
Presidenti ukrainas Volodimir Zelenski tha se ushtria ukrainase ka shkatërruar tashmë më shumë se 1000 tanke ruse, gati 200 avionë rusë dhe pothuajse 2500 automjete të blinduara luftarake, raporton CNN.
Pavarësisht këtyre humbjeve, trupat ruse kanë ende pajisje për të kryer sulme shtesë, tha Zelenski.
“Ata kanë ende raketa për të goditur territorin tonë. Por kjo luftë tashmë e ka dobësuar Rusinë aq shumë sa ata duhet të planifikojnë të kenë edhe më pak pajisje ushtarake për paradën në Moskë”, tha Zelenski.
Më 9 maj, Rusia planifikon të mbajë paradën e saj tradicionale të Ditës së Fitores në Sheshin e Kuq, duke përkujtuar dorëzimin gjerman ndaj Bashkimit Sovjetik në Luftën e Dytë Botërore.
Presidenti ukrainas tha gjithashtu se Rusia ka humbur tashmë më shumë se 23 000 ushtarë që nga fillimi i pushtimit.
Rusia ka lëshuar në mënyrë sporadike shifra të viktimave, që janë të ulëta dhe të cilat vëzhguesit i konsiderojnë si një nënvlerësim masiv. Dy zyrtarë të lartë ushtarakë të NATO-s vlerësuan se numri i ushtarëve rusë të vrarë në aksion në Ukrainë ishte midis 7 000 dhe 15 000.
Më herët gjatë muajit, zëdhënësi i Kremlinit Dmitry Peskov pranoi shkurtimisht se Rusia kishte pësuar humbje të rëndësishme të trupave të saj në Ukrainë, duke i quajtur humbjet një tragjedi të madhe për vendin.
LEXONI GJITHASHTU:
Deklaratat antisemite të artistit, Gjykata holandeze i hap rrugën koncerteve të Kanye West
SpaceX drejt ofertës publike fillestare më të madhe në histori, prej 75 miliardë dollarësh
Dhoma e Përfaqësuesve miraton masën për t’i dhënë fund luftës në Iran
- 11:10 Berisha, Ramës: Anulo mitingun e Vlorës
- 10:55 Mbërrin me helikopter te Trauma efektivi i plagosur gjatë operacionit në Maliq
- 10:53 Zbulohet një kompleks termal romak në Lushnje
- 10:45 Autori ish-ushtarak bënte qitje në pyll, pamje nga vendi ku u vra polici në Maliq (VIDEO)
- 10:30 Kuvendi mban një minutë heshtje për efektin e policisë të vrarë në krye të detyrës në Maliq (VIDEO)
- 10:27 LIVE- Plumba mbi policinë, vritet efektivi në krye të detyrës, plagoset kolegu i tij.