Italia heq formularët për pasagjerët, zgjat masat anti-COVID për hyrjen

Ministria italiane e Shëndetësisë ka bërë të ditur se kërkesa për plotësimin e formularit për personat që hyjnë në vend është hequr nga e diela e kaluar, 1 maj, ndërsa pjesa tjetër e kufizimeve ekzistuese të hyrjes janë zgjatur deri në fund të muajit.

Në një urdhëresë të botuar në gazetën zyrtare italiane më 28 prill, ministria thekson se për shkak të situatës aktuale të COVID-19 në Itali, kufizimet për pasagjerët do të zgjaten deri më 31 maj.

Vendimi bazohet në një rekomandim të Drejtorisë së Përgjithshme për Parandalimin Shëndetësor dërguar Ministrisë më 26 Prill 2022, i cili pohon se pavarësisht ndërprerjes së gjendjes së jashtëzakonshme në Itali, ka ende nevojë për të luftuar përhapjen e pandemisë.

LEXONI GJITHASHTU:

• Italia e Greqia lehtësojnë kufizimet COVID në prag të sezonit turistik