Superliga pa shumë ndryshime, Tirana për titull, Kukësi dhe Partizani vijojnë të kenë probleme

Edhe pse pas gati 3 muajsh ndërprerje, rifillimi i kampionatit shqiptar nuk prodhoi asgjë të re. Skuadrat me sa duket e nisën aty ku e lanë duke na dhënë të njëjtën tablo.

Tirana konfirmohet edhe një herë si pretendetja kryesore për titullin kampion. Bardhëbultë nuk toleruan aspak përballë Bylisit duke shënuar fitoren e 12 në 13 ndeshjet e fundit në kampionat. Një ecuri fantastike kjo e kryeqytetasve.

Që nga 13 dhjetori bardhe blutë nuk njohin humbje, ndërsa vetëm Skënderbeu ka arritur t’u marrë pikë me një barazim në Tiranë.

Ndërkohë që Kukësi i vendit të dytë e rinisi kampionatin jo me hapin e duhur. Verilindorët arritën një fitore vetëm në sekondat e fundit përballë luftëtarit duke rrezikuar shumë të linin 2 pikë mjaft të rëndësishme.

Kjo ishte fitorja e parë për ta pas pesë ndeshjesh, por vetëm një shkëndijë nuk mjafton për të arritur deri tek titulli kampion pasi diferenca me Tiranën është 9 pikë.

Ndërkohë që Partizani vijon të lundrojë në ujëra të turbullta.

Për kampionët në fuqi humbja përballë Skënderbeut ishte e katërta radhazi në Superligë ndërkohë që fitorja në kampin e kuq mungon që prej 22 shkurtit.

I ringjallur duket Skënderbeu që tani e sheh vetën në vendin tretë të renditjes e suksesi përballë partizanit ishte i pesti radhazi për ta. Megjithatë korçaret nuk mund të marrin pjesë në kupat e Evropës pasi janë pezulluar nga UEFA.

Megjithatë duhet pare edhe vazhdimësia e kampionatit pasi ngarkesa fizike te futbolliste do shtohet dhe do këtë shumë rëndësi mënyrë se si menaxhohet situata dhe për këtë do duhet edhe pak fat.

Rezultatet e ndeshjeve:

Partizani (1-2) Skënderbeu

Bylis (1-3) Tirana

Flamurtari (1-3) Vllaznia

Kukësi (2-1) Luftëtari

Laçi (1-1) Teuta

Klasifikimi:

1) Tirana 56 pikë

2) Kukësi 47 pikë

3) Skënderbeu 44 pikë