Detaje nga vrasja e 48-vjeçarit, autorët përdorën mjet me targa të vjedhura

Ekzekutimi i Arben Mërkurit mbrëmjen e së mërkurës në Sukth është bërë nga dy persona.

Sipas policisë, pranë shtëpisë së 48-vjeçarit është ndaluar një automjet me targa të vjedhura.

Pasagjeri ka qëlluar me breshëri duke i shkaktuar plagë të rënda, të cilat i morën jetën.

Automjeti i përdorur nga autorët ka lëvizur nga drejtimi i Manzës në drejtim të superstradës Tiranë-Durrës duke e pasur më të lehtë largimin nga vendngjarja pa asnjë gjurmë.

Zona ku ka ndodhur vrasja është me ndriçim të kufizuar, çka e ka vështirësuar punën e grupit hetimor për të bërë të mundur identifikimin e autorëve.

Mërkuri njihet në zonë si kontingjent i krimit dhe ngjarja dyshohet se ka ndodhur për larje hesapesh.

Viktima kishte pseudonimin Maneci. Burime bëjnë me dije se 48-vjeçari kishte precedentë penalë për krime kundër personit, vrasje ne pagesë, por nuk ka gjë të dokumentuar.

Dyshohet gjithashtu se mund të ketë marrë pjesë në dhunimin e biznesmenit libanez Fadi Mitri.

Deri tani policia ka shoqëruar dhjetëra persona lidhur me ngjarjen.

LEXONI GJITHASHTU:

• Vritet me armë zjarri 48-vjeçari në Sukth
• SPAK mbyll hetimet për vrasjen e Behar Sofisë, 5 të pandehur në gjykatë