Betohet kryeministri i ri i Australisë, Anthony Albanese

Anthony Albanese është betuar si kryeministri i ri i Australisë, pasi partia Laburiste mposhti konservatorët e Scott Morrison në zgjedhjet legjislative të së shtunës.

Megjithatë është e paqartë nëse Albanese do të formojë një mazhorancë apo do të qeverisë me mbështetjen e partive të vogla.

Menjëherë pas betimit, kreu i qeverisë u nis për në Tokio, për t’u takuar me liderët e vendeve të nismës KUAD, ku veç Australisë bëjnë pjesë edhe Shtetet e Bashkuara, India dhe Japonia.

Albanese ka fituar reputacion si mbrojtës i sistemit shëndetësore pa pagesë dhe është mbrojtës i të drejtave të komunitetit LGBT si dhe një tifoz i pasionuar pas regbisë.

LEXONI GJITHASHTU

• Antonio Albaneze fiton zgjedhjet në Australi