Kurti konsideron heqjen e reciprocitetit nga Hoti si mohim të pavarësisë

Ish-kryeministri Albin Kurti e konsideron heqjen e reciprocitetit nga qeveria e re e Avdullah Hotit mohim të pavarësisë së Kosovës.

Përmes një postimi të shkruar në anglisht në Twitter, Kurti këmbëngul se Kosova nuk ka qenë kurrë pengesë për bisedimet me Serbinë.

“Kosova nuk ka qenë kurrë pengesë për dialogun dhe kjo u provua me heqjen e tarifës 100 për qind për mallrat serbe. Reciprocitet do të thotë barazi. Mohimi i tij do të thotë mohim i deklaratës së pavarësisë si shtet sovran të cilin asnjë lider në Kosovë nuk e ka të drejtë ta bëjë,” – ka komentuar Kurti.

Komenti i ish-kryeministrit të Vetëvendosjes vjen pak orë pasi qeveria Hoti vendosi, në një mbledhje të zhvilluar të shtunën, të hiqte politikën e reciprocitetit në marrëdhëniet tregtare me Serbinë.

Ishte Hoti, ai i cili e konsideroi “pengesë për dialogun” reciprocitetin teksa pas vendimit me një postim në Facebook, Kurti e konsideroi qeverinë e LDK-së si “qeveria e paligjshme” që “punon për prioritetet e Serbisë”.

Lexoni gjithashtu:

Qeveria Hoti shfuqizon vendimin për reciprocitet ndaj Serbisë, reagon Kurti

Albin Kurti merr 6 vendime kyçe, aplikon masën e radhës kundër Serbisë

BE dënon veprimet e Albin Kurtit për masat e reciprocitetit kundër Serbisë

Kurti: Nëse Serbia shton barrierat, ne do të kundërpërgjigjemi