Ministrja Kumbaro: Për turistë cilësorë na duhen standarde, aeroporte, hoteleri

Ministrja e Turizmit Mirela Kumbaro tha në emisionin ‘Now’ në Euronews Albania se me gjithë numrin e madh të turistëve që vizitojnë Shqipërinë, vendi ka mungesa të kapaciteteve akomoduese.

Sipas Kumbaros vendi ka nevojë për standarde duke nisur që nga rrugët, aeroportet, hotelet nëse do që të ketë turistë cilësorë që shpenzojnë në vendin tonë.

“Nëse duam turistë cilësorë, ai kërkon rrugë, aeroporte. Këto janë kërkesa të një kategorie të caktuar, në Greqi, Itali apo edhe Shkup i ke aeroportet brenda vendit. Ata kërkojnë hotele me 4-5 yje si një lloj garancie. Nuk jemi nxituar të shpërndajmë yje se ende nuk e kemi të besueshëm sistemin, për ta bërë një gjë të tillë jemi duke studiuar tregun që të jetë një model i besueshëm”, tha Kumbaro.

LEXONI GJITHASHTU:

• Kumbaro: Shqipëria një lloj misteri për turistët që të tërheq
• Rama-opozitës: Do ta votojmë ligjin për Butrintin, s’mund ta mbani peng