Teoritë konspirative për linë e majmunëve në rrjetet sociale

Lija e majmunëve është përhapur deri më tani në 20 vende të botës dhe ndërkohë nuk mungojnë as teoritë konspirative.

Ashtu si me COVID-19, përhapja e lisë së majmunëve ka çuar në një mori dezinformatash që shfaqen në mediat sociale rreth virusit dhe shpërthimit të tij.

Disa mbështesin idenë se ky virus është krijuar nga njeriu dhe është përhapur qëllimisht.

Ndërsa të tjerë pretendojnë se grup i caktuar lëshoi një version të modifikuar të lisë së majmunëve nga një laborator, i cili më pas u përhap në të gjithë globin. Sipas teorisë konspirative, data që ata zgjodhën për shpërthimin ishte 5 qershori i vitit të kaluar.

Nuk ka munguar edhe një reagim nga Iniciativa për Kërcënimet Bërthamore, e cila i hedh poshtë këto teori.

“Pas zbulimit të fundit të rasteve të lisë së majmunëve në shumë vende, raporti i NTI-së për ushtrimin është shfaqur në një numër mediash sociale, duke vënë në dukje se skenari imagjinar shoqërues paraqiste një shpërthim të lisë së majmunëve me një datë fillimi që përafërsisht përkon me shpërthim aktual. Fakti që disa vende aktualisht po përjetojnë një shpërthim të lisë së majmunëve është thjesht një rastësi”, u tha në deklaratë.

Iniciativa për Kërcënimet Bërthamore kërkoi t’u tërhiqte vëmendjen midis liderëve të lartë globalë për nevojën urgjente për të përmirësuar aftësitë ndërkombëtare për të parandaluar dhe për t’iu përgjigjur pandemive.

Ndërkohë ka hedhur poshtë pretendimet se lija e majmunëve është një sëmundje e re.

Organizata Botërore e Shëndetësisë i përshkroi të martën infektimet e fundit si një situatë ‘të kontrollueshme’ dhe se gjasat për një rritje të shpejtë të infeksioneve mbetën mjaft të ulëta në tërësi.

LEXONI GJITHASHTU:

• Lija e majmunëve, mjekët raportojnë rastet në Europë
• Lija e majmunëve përhapet në Europë, shtetet marrin masa