Kriza e fermerëve ukrainas, mes tokave të minuara e makinerive të shkatërruara

Kriza ushqimore globale është përkeqësuar pasi Ukraina e cila prej tre muajsh është sulmuar nga Rusia e ka të pamundur të eksportojë miliona tonë grurë dhe të produkte të tjera agrikulturore.

Në shumë prej këtyre porteve ka ende mina të pashpërthyera. Fermerët shprehen se u janë shkatërruar edhe makineritë me të cilat punojnë tokën.

“Për momentin nuk kemi makineri bujqësore, e kemi rimarrë tokën që nuk është e minuar e ku mund të punojmë, por nuk kemi makineri sepse janë shkatërruar, pajisjet kryesore janë të gjitha të shkatërruara”, thotë Mikhaylo Perushenko, punonjës ferme.

Edhe në arat ku kultivohen produktet ushqimore mund të gjenden raketa apo mina të lëna pas nga ushtarët.

“Ka shumë gropa, e gjitha toka ka gropa të krijuara nga bombardimet. Nuk ka sulme, por në fusha të tjera vijojnë goditjet. Në Tokë ka edhe raketa, i kalojmë sipër dhe mbjellim, çfarë mund të bëjmë?” shprehet Aleksandr Bezuhliy, shofer traktori.

Ukraina është një nga eksportuesit më të mëdhenj në botë të grurit, misrit dhe vajit të lulediellit, por lufta dhe bllokada ruse në porte e kanë ndalur pjesën më të madhe të këtij eksporteve , duke rrezikuar furnizimet botërore të ushqimit.

Presidenti Vladimir Putin u tha udhëheqësve të Francës dhe Gjermanisë se Rusia ishte e gatshme të diskutonte mënyrat për të bërë të mundur që Ukraina të rifillonte dërgesat e grurit nga portet e Detit të Zi.

LEXONI GJITHASHTU:

• Ukraina kërkon armë moderne për zmbrapsjen e trupave ruse
• Skemat e vizave britanike për ukrainasit, mbërrijnë 53.000 refugjatë në 3 ditë