Ish-ushtarja irlandeze shpallet fajtore pasi u bë pjesë e ISIS

Ish-ushtarja irlandeze, Lisa Smith është dënuar për shkak se ishte bërë pjesë e grupit terrorist të Shtetit Islamik.

Smith e cila u largua nga ushtria në vitin 2011, u zbulua se kishte qenë anëtare e grupit militant islamik pëe 4 vite, në periudhën 2015-2019, raporton Euronews.

Gjykatësi Tony Hunt i Gjykatës Speciale Penale ka thënë se Smith kishte udhëtuar me vetëdije në një zonë të Sirisë të kontrolluar nga Shteti Islamik në vitin 2015 pasi u konvertua në fenë islame.

Ajo kishte bërë më parë një pelegrinazh në Mekë në vitin 2012 dhe asokohe shkruante në Facebook se dëshira e saj ishte të jetonte sipas ligjit të Sheriatit dhe vdiste si “martire”.

Prej 10 vitesh në ushtri, Smith u akuzua edhe se ishte zhvendosur në një qytet të Sirisë e cila kontrollohej nga ISIS.

Irlandezja është akuzuar edhe për martesën e saj me një burrë britanik që mori pjesë në patrullimet e armatosura për grupin terrorist. Ajo u deportua me vajzën e saj dy vjeçare pas rënies së ISIS në 2019 dhe u arrestua në Aeroportin e Dublinit.

Pas mbylljes së gjygjit që zgjati 9 javë, ajo u shpall e pafajshme për financimin e një organizate terroriste mbi një donacion prej 800 eurosh, e cila ishte shprehur se kjo shumë ishte për qëllime humanitare.

Gjykata në Dublind do të japë dënimin për Smith më 11 korrik.

LEXONI GJITHASHTU

• Rekrutonte luftëtarë të ISIS-it, shpallet fajtor kosovari në SHBA
• Mediat amerikane: FBI–ja zbulon komplotin e ISIS-it për të vrarë George Bush-in