Presidenti Biden kërkon të rritet mosha për blerjen e armëve në SHBA

Masakra në shkollën Uvalde ku mbetën të vrarë 19 fëmijë, i ka shtyrë demokratët të përpiqen për të disatën herë të kufizojnë shitjen e disa llojeve të armëve në Shtetet e Bashkuara.

Problemi është se pavarësisht ngjarjeve tragjike, atyre u mungon mbështetja në legjislativ për të parandaluar shpërndarjen, për shembull, të armëve automatike.

Në përpjekje për t’i dhënë një shtysë të re kësaj nisme, presidenti amerikan ka bërë një hap përpara.

“Ne duhet të ndalojmë armët e sulmit me kapacitet të lartë. Dhe nëse nuk mund t’i ndalojmë, atëherë duhet të rrisim moshën për t’i blerë ato nga 18 në 21, të forcojmë kontrollet, të miratojmë ligje për ruajtjen e sigurt, shfuqizoni imunitetin që mbron prodhuesit e armëve nga përgjegjësia, adresoni krizën e shëndetit mendor. Këto janë masa racionale dhe të arsyeshme”, u shpreh kreu i Shtëpisë  së Bardhë.

Por entuziazmi i republikanëve për armët e zjarrit dhe klima e polarizimit që zvarrit republikanët e moderuar, e bën të pamundur për momentin marrjen e ndonjë veprimi.

Zgjedhjet e ardhshme legjislative do të përcaktojnë nëse do të ketë një ndryshim në këtë trend.

LEXONI GJITHASHTU:

• Dy mësuese në Teksas sakrifikuan jetën për të shpëtuar fëmijët
• ​Sulmi në një shkollë në Teksas, Osmani: Mendimet tona me familjet e viktimave