Pamje spektakolare të breshkave të detit në Australi

Shkencëtarët australianë kanë filmuar me dron pamjet e mijëra breshkave të ujit, teksa krijojnë fole në breg.

Kërkuesit thanë se zhvillimi teknologjik dhe përdorimi i dronëve u ka dhënë mundësinë që t’i vëzhgojnë më me saktësi breshkat që bëjnë fole në ishullin Raine, vendi ku ndodhet popullata më e madhe në botë.

Shkencëtaret vëzhguan rreth 64 mijë breshka që i përkasin një specieje të rrezikuar.

Më parë, ata duhej të vendosnin shirita të bardhë mbi zhguallin e breshkave dhe përpiqeshin t’i numëronin nga një varkë e vogël.

Kjo metodë nuk ishte e saktë, pasi nuk kishte shikueshmëri të mirë.

Përdorimi i dronëve ka mundësuar të analizohet çdo fragment i videove në laborator, gjë që i ka bërë të kuptojnë se e kanë nënvlerësuar popullsinë e këtyre breshkave.