Netët e “Bejkës së Bardhë”, festivali folklorik mbi polifoninë labe

Për të tretin vit radhazi, Piluri u kthye në kryeqendrën e polifonisë labe. Është zgjedhur ky vend për të nderuar Lefter Çipën, poetin dhe rapsodin që i ka dhënë aq shumë polifonisë shqiptare thotë organizatori Kristo Çipa.

Polifonia është zëri i shpirtit, shprehen për Euronews figura të rëndësishme të këngës polifonike, por edhe të rinj të apasionuar pas traditës.

Nga Rrapi madhështor në qendër të fshatit, banorët dhe miqtë e ardhur shijojnë spektaklin.

Pikërisht këtë atmosferë festive zgjodhi për të promovuar librin “Shpirta të Shitur” edhe shkrimitari Kleo Lati.

Edicioni i Tretë i Festivalit Folklorik “Netët e Bejkës së Bardhë” mblodhi 22 grupe polifonike konkuruese dhe 4 përshëndetëse nga të gjitha trevat ku këndohet kënga Polifonike. 

Risi në këtë edicion të tretë ishin ansamblet shtetërore të Shqipërisë dhe Kosovës, të cilët përshendetën aktivitetin me pjesë nga repertori i tyre i këngëve dhe valleve, si dhe pjesë nga krijimtaria e Lefter Çipës.

Në përfundim të festivalit, çmimi i parë “Lefter Çipa” u fitua nga grupi i Bolenës.

LEXONI GJITHASHTU

• “Konaku i Rrajcës” aktiviteti që ruan trashëgiminë folklorike të zonës
• Çiftelinë tani e duan më pak, veglat muzikore folklorike shqiptare s’kërkohen më si dikur