Kurti: Raportet me Greqinë po bëhen gjithnjë e më të afërta

Kryeministri Albin Kurti thotë se marrëdhëniet e Kosovës me Greqinë po afrohen çdo ditë e më shumë.

Përmes një postimi në rrjetet sociale, ku ka publikuar foto nga takimi me ministrin e Jashtëm grek Nikos Dendias, Kurti shprehet se kjo është njohje e vlerave të përbashkëta të lirisë dhe demokracisë.

“Marrëdhëniet e Kosovës me Greqinë po afrohen çdo ditë e më shumë. Është një dëshmi e marrëdhënieve tona të mira dypalëshe, por edhe një njohje e vlerave tona të përbashkëta të lirisë dhe demokracisë. Kënaqësi të pres për një darkë mbrëmë ministrin e Jashtëm të Greqisë Niko Dendias”, shkroi Kurti në Twitter.

Kosova’s relationship with Greece grows closer every day. It is a testimony to our good bilateral relations but also a recognition of our shared values of freedom and democracy. A pleasure to host for a dinner last night the Foreign Minister of Greece @NikosDendias. pic.twitter.com/b9M0B4gwjg

— Albin Kurti (@albinkurti) June 9, 2022

Ditën e djeshme, Dendias takoi Presidenten e Kosovës, Vjosa Osmani. Pas takimit, Osmani deklaroi se Kosova dhe Greqia ndajnë të njëjtat vlera euroatlantike.

Ajo ka kërkuar mbështetjen greke për anëtarësim në Këshillin e Evropës, Partneritetin për Paqe dhe NATO, si një garanci jo vetëm për shtetin e Kosovës, por edhe rajonin.

LEXONI GJITHASHTU

• Osmani takon Dendias: Kosova dhe Greqia ndajnë të njëjtat vlera euroatlantike