Gjysmëfinalja e Kupës së Italisë, Juventus-Milan pas më shumë se 3 muaj pa futboll

Italia bëhet gati për të zhvilluar ndeshjen e parë pas më shumë se tre muajsh ndërprerje, për shkak të pandemisë. Të premten në orën 21:00 do të zhvillohet gjysmëfinalja e dytë e Kupës së Italisë, mes Juventusit dhe Milanit, që do të përcaktojë dhe skuadrën e parë finaliste të këtij komepticioni.

Ndeshja e parë ka përfunduar me rezultatin 1-1 dhe gjithçka mbetet e hapur për takimin e kthimit. Sfida do të luhet në “Alianz Stadium”, pa praninë e tifozëve. Federata ka marrë masa të shumta për këtë takim, në mënyrë që të zbatohet protokolli për higjienën i pacaktuar pak javë më parë. Skuadrat duhet që të zbatpojnë udhëzimet që në grumbullim, e deri në përfundimin e takimeve, ku duhet të kujdesen sa më shumë të jetë e mundur për të evituar kontaktet e panevojshme.

Ndërkohë gjysmëfinalja tjetër di të zhvillohet të shtunën, ku Interi dhe Napoli do të diskutojnë dhe biletën e dytë për në finalen e Kupës. Italia është nga vendet me të prekura nga COVID-19, megjithatë numri i të infektuarve dhe vdekjeve ka ardhur në ulje.