Prezantohet Playstation 5, Sony zbulon titujt e video-lojërave të reja që do të hidhen në treg

“Sony Corporation” ka prezantuar komanduesin e ri Playstation 5 si edhe një sërë video-lojërash të reja, ndërsa bëhet gati për hedhjen në treg të këtij produkti në fund të vitit.

Playstation 5 premton grafika të përmirësuara dhe kohë më të shkurtër pritjeje përmes përdorimit të një mundësie më të mirë ruajtje informacioni, thënë në gjuhë teknike përmes një hard-drive solid. Së bashku me historinë pas video-lojërave, këto janë disa nga karakteristikat më të mira të Playstation-it të ri, përballë rivalëve të tjerë në treg si Xbox Series X dhe Google Stadia.

Titujt e rinj të video-lojërave që do të hidhen në treg përfshijnë Spiderman: Miles Morales nga studio Insomniac Games, një vazhdimësi e lojës hit të luajtur në Playstation 4, si dhe Project Athia, prodhim i Square Enix Holdings, që është krijues i serisë së njohur Final Fantasy.