Chelsea po konsideron transferimin e Thomas Strakoshës, sipas gazetarit sportiv

Klubi anglez i futbollit, Chelsea po konsideron transferimin e portierit të kombëtares shqiptare, Thomas Strakosha, i cili aktivizohet me Lacion.

Lajmi është bërë i ditur nga gazetari i njohur sportiv për transferimet e futbollistëve, Fabrizio Romano përmes një postimi në rrjetet sociale.

Megjithatë, Romano shprehet se Strakosha mund të merret në konsideratë vetëm nëse portieri i dytë i skuadrës, Kepa Arrizabalaga do të largohet gjatë kësaj vere.

“Thomas Strakosha tani tërheq interesin, pasi është i disponueshëm si transferim i lirë. Chelsea po e konsideron atë si një nga opsionet, por vetëm në rast se Kepa do të largohet nga klubi këtë verë”, shkruan Romano në Twitter.

Thomas Strakosha’s now attracting interest, available on free transfer. Chelsea are considering him as one of the options, but only in case Kepa will leave the club this summer 🇦🇱 #CFC

Gabriel Slonina, different deal – he’d be one for the future, staying at Chicago Fire on loan.

— Fabrizio Romano (@FabrizioRomano) June 14, 2022

Pak javë më parë, mediat italianë thanë se Strakosha mund të transferohej nga Lacio te ekipi anglez i Fulham, por deri më tani nuk ka asgjë zyrtare.

LEXONI GJITHASHTU

• Duka i kërkon qeverisë që të rikthejë bastet sportive në Shqipëri
• Taekwondo në Shkodër, pjesmarrës ekipe nga Kosova dhe Italia