Paris, policia hedh gaz lotsjellës për të shpërndarë tubimin e paautorizuar

Policia ka hedhur gaz lotsjellës për të shpërndarë një  tubim paqësor por të paautorizuar kundër dhunës policore dhe racizmit gjatë së shtunës.

Të paktën 15 mijë persona u mblodhën në kryeqytetin e Parisit, të drejtuar nga persona që kanë mbështetur kauzën e Adama Traore, një i ri me ngjyrë i cili humbi jetën gjatë kohës që ishte ndaluar nga policia në 2016 nën rrethana që kanë mbetur të panjohura edhe pas 4 vitesh. Deri më sot askush nuk është dënuar për vdekjen e tij.  

“Të gjithë po kërkojmë të njëjtën gjë, drejtësi të barabartë për të gjithë”, tha motra e të ndjerit gjatë tubimit.

Situata u tensionua për disa çaste kur një grup tjetër protestuesish u ngjitën në një ndërtesë dhe kanë kundërshtuar tubimin paqësor dhe duke denoncuar “racizmin kundër të bardhëve”.

Policia ka ndërhyrë duke hedhur hedhur gaz lotsjellës dhe duke arrestuar disa prej protestuesve.

Franca i ka ndaluar grumbullimet e mbi 10 personave në kuadër të masave kufizuese kundër COVID-19.

Lexoni gjithashtu

Europa përfshihet nga protestat kundër racizmit, e djathta bën antimiting në Londër

Francë, policia proteston kundër akuzave për racizëm

1 milion dollarë për lirimin me kusht të ish-oficerit të policisë që vrau George Floyd