Kokaina e Brazilit, burg për biznesmenin e agjentin doganor

Për 45 kilogramët e kokainës në portin e Durrësit, gjykata ka vendosur arrest me burg për shqiptarin nga Kosova, Arben Ferizi dhe burg me afat për 18 ditë për agjentin doganor, Egert Vargu.

Përpara togave të zeza, ata i kanë qëndruar deklaratave të tyre të mëhershme për mos dijeninë që në kontejner veç mishit të pulës kishte dhe kokainë.

Vargu dhe Ferizi u arrestuan në flagrancë pasi skaneri i portit zbuloi lëndën narkotike të ndarë në 40 pako dhe të fshehur brenda kontejnerit me mish pule që vinte nga Brazili.

Më datë 12 qershor, anija ishte nisur nga Brazili dhe kishte hyrë në portin e Pireut, Greqi dhe më 13 qershor u nis nga ky port për në Shqipëri.