BE-ja nuk do lejohet të mbledhë të dhënat personale të pasagjerëve

Kompanitë e linjave ajrore nuk duhet të ndajnë më të dhënat e pasagjerëve me vendet e Bashkimit Evropian, të paktën për fluturimet brenda shteteve anëtare.

Ky është vendimi i marrë nga Gjykata e Lartë e Bashkimit Evropian, shkruan Schengen Visa Info.

Gjykata e Drejtësisë së BE-së vendosi që kërkesat për linjat ajrore për të ofruar të dhëna për pasagjerët tek autoritetet kombëtare, nuk përputhen me të drejtat e privatësisë.

Më parë, Këshilli Federal i Zvicrës hapi procesin e konsultimit për Aktin e të Dhënave të Pasagjerëve të Fluturimit, pasi përdorimi i të dhënave të tyre është një mjet i rëndësishëm për të luftuar terrorizmin dhe krimet e tjera në më shumë se 60 vende të botës

Të dhënat për regjistrimet e emrave të pasagjerëve (PNR) janë përdorur për të identifikuar terroristët ose personat që janë të përfshirë në afera të paligjshme.

Kjo u mundëson oficerëve të policisë të marrin informacion të detajuar në lidhje me lëvizjen e udhëtarëve dhe gjithashtu të identifikojnë modelet për një hetim policor.

LEXONI GJITHASHTU

• Ndryshon ligji për mbrojtjen e të dhënave, gjoba miliarda lekë
• Portugalia heton keqpërdorimin e të dhënave personale të refugjatëve ukrainas