Rusia mund të provokojë luftë në Ballkan përmes Serbisë, thotë politikani serb

Rusia mund të provokojë një luftë në Ballkan përmes Serbisë e Republikës Srpska dhe Bashkimi Evropian nuk po e kupton diçka të tillë.

Kështu u shpreh për mediat serbe lideri i Lidhjes së Social Demokratëve të Vojvodinës, Nenad Canak, raporton Kosova Press.

“Bashkimi Evropian nuk e kupton mundësinë e provokimit të një lufte në Ballkan sepse është reduktuar në nivelin e ‘burokracisë’, gjë që është më e mira për Serbinë”, theksoi Çanak.

Sipas tij, Rusisë nuk i ka mbetur asnjë shtet aleat në Evropë përveç Serbisë dhe Republikës Srpska.

Çanak nënvizoi se qëllimi kryesor i Rusisë, është shtimi i presionit ndaj Vuçiç që të mos vendosë sanksione dhe se ky i fundit kërcënohet me vrasje nëse e bën këtë.

LEXONI GJITHASHTU

• Miroslav Lajçak viziton sot Kosovën
• Refuzimi i vizave, Haradinaj: Sot nuk humbi Albini, por populli i Kosovës